Кантэнт рэсурсаў праекта “Будзьма” і рэгіянальнага медыя “Вольнае Глыбокае” прызнаны “экстрэмісцкімі матэрыяламі”

30 чэрвеня, BPN. Суд Ленінскага раёна Мінска 28 чэрвеня прызнаў “экстрэмісцкімі матэрыяламі” кантэнт сайта і старонак у сацыяльных сетках вядомага культурна-асветніцкага праекта “Будзьма”, вынікае з абноўленага пераліку на сайце Міністэрства інфармацыі.

У той жа дзень суд Ушацкага раёна (Віцебская вобласць) прыняў аналагічнае рашэнне па змесціве тэлеграм-канала “Ушачы”.

26 чэрвеня суды Глыбоцкага раёна (Віцебская вобласць) і Чыгуначнага раёна Віцебска прызналі “экстрэмісцкім” кантэнт старонак незалежнага рэгіянальнага медыя “Вольнае Глыбокае” ў “Інстаграме” і “Вконтакте”, а таксама відэаролік “Ябатек начали задерживать / Фельетоны Лупача” на відэахостынгу “ЮТуб”.

Варта адзначыць, што ў дакуменце на сайце Мінінфарма згаданыя рэсурсы напісаныя з памылкамі, перайсці па ўказаных спасылках немагчыма.