МУС: З пачатку года ўзбуджана 19 крымінальных спраў за тэлефоннае махлярства

11 лютага, Позірк. З 2023 года ў Беларусі ўзбуджана 19 крымінальных спраў па фактах тэлефоннага махлярства, паведаміла прэс-служба МУС 11 лютага.

Адзначаецца, што зламыснікам удавалася схіліць суразмоўцаў да перадачы буйных сум узамен на “непрыцягненне іх сваяка да адказнасці за нібыта ўчыненае ДТЗ”. Падобныя злачынствы зарэгістраваны па ўсёй краіне.

“У выніку супрацьпраўных дзеянняў грамадзянам нанесены ўрон, які перавышае 200 тыс. рублёў. Характэрна: у большасці выпадкаў для рэалізацыі сваіх задум ашуканцы выкарыстоўвалі кіроўцаў таксі, якія забіралі ў ашуканых людзей пасылкі з грашыма і дастаўлялі іх у паказанае месца”, — гаворыцца ў рэлізе.

Удакладняецца, што да ўдзелу ў схеме прыцягваліся ў тым ліку непаўналетнія.

За 2023 год у краіне зарэгістравана больш за 85 тыс. злачынстваў, з якіх амаль 12 тыс. — кожнае сёмае — было звязана з махлярствам, паведаміў на прэс-канферэнцыі 1 лютага начальнік галоўнага ўпраўлення па супрацьдзеянні кіберзлачыннасці МУС Андрэй Кавалёў.

У той жа дзень было аб’яўлена аб затрыманні ў Мінску 48 чалавек, якіх абвінавачваюць у махлярстве арганізаванай групай (ч. 4 арт. 209 КК) за крадзяжы сродкаў з банкаўскіх карт на падставе удзелу ў таргах на сыравінных рынках, на рынку крыптавалюта, фондавым рынку Foreх.

“Кол-цэнтры гэтай міжнароднай злачыннай групы знаходзіліся ў Мінску, Маскве, а таксама ў іншых гарадах іншых краін”, — паведаміў начальнік галоўнага ўпраўлення лічбавага развіцця СК Андрэй Матолька.