Затрыманы хрысціянскі прапаведнік, бацька семярых дзяцей Сергій Мельянец

20 сакавіка, Позірк. У Мінску затрыманы хрысціянскі прапаведнік, паэт і выканаўца аўтарскай песні Сергій Мельянец, паведамляе ініцыятыва “Хрысціянская візія”.

Мельянца, у якога сямёра дзяцей, затрымалі паводле адміністрацыйнага артыкула.

Паводле звестак ініцыятывы, яго ўжо асудзілі, мера спагнання, а таксама ўжыты артыкул КаАП невядомыя.

Мельянец з’яўляецца актыўным карыстальнікам сацыяльных сетак, змест якіх дэманструе яго антываенную хрысціянскую пазіцыю.

Пасля выбараў 2020 года яго затрымлівалі за бел-чырвона-белыя жалюзі на акне і аштрафавалі.