Афіны падтрымліваюць імкненне беларусаў да дэмакратыі — прэзідэнт Грэцыі
Беларускі дэмлідар Святлана Ціханоўская і прэзідэнт Грэцыі Кацярына Сакеларопулу (12 сакавіка 2024 года, Афіны)
13 красавіка, Позірк. Афіны падтрымліваюць “імкненне беларускага народа да дэмакратыі і правоў чалавека”, паведаміла англамоўная рэдакцыя штодзённай газеты Kathimerini са спасылкай на прэзідэнта Грэцыі Кацярыну Сакеларопулу, якая 12 красавіка сустрэлася з дэмакратычным лідарам Святланай Ціханоўскай.
Выданне адзначыла, што кіраўнік грэчаскай дзяржавы прыняла беларускага палітыка ў прэзідэнцкім палацы. Ціханоўская, як паведамляецца, “праінфармавала Сакеларопулу пра сітуацыю ў Беларусі і неабходнасць салідарнасці дэмакратычнага свету з беларускім народам”.
Ціханоўская, як раней паведаміў “Позірку” галоўны дарадца дэмлідара Франак Вячорка, нагадала суразмоўніцы, што неўзабаве пасля іх сустрэчы ў 2021 годзе адбыўся інцыдэнт з прымусовай пасадкай у Мінску самалёта Ryanair, які ляцеў з Афін у Вільнюс. Палітык заявіла пра неабходнасць прыцягнуць рэжым Аляксандра Лукашэнкі да адказнасці за гэты факт, а таксама за “выкраданне ўкраінскіх дзяцей і злачынствы супраць чалавечнасці”.
Бакі таксама абмеркавалі праблемы легалізацыі беларусаў у Грэцыі, “дакументы і пратэрмінаваныя пашпарты”, а таксама праграмы рэабілітацыі для дзяцей рэпрэсаваных.
Ціханоўская нагадала прэзідэнту Грэцыі аб адказнасці рэжыма Лукашэнкі за захоп самалёту Ryanair
12 красавіка, Позірк. Дэмакратычны лідар Святлана Ціханоўская падчас сустрэчы 12 красавіка з прэзідэнтам Грэцыі Кацярынай Сакелларопулу нагадала аб прыцягненні рэжыма Аляксандра Лукашэнкі да адказнасці за захоп самалёту авіякампаніі Ryanair. Аб гэтым паведаміў "Позірку" галоўны дарадца дэмлідара Франак Вячорка. Падчас сустрэчы …
