9 верасня, Позірк. Аб дарожна-транспартным здарэнні з удзелам пешахода ў Ляхавічах паведамляе УУС Брэсцкага аблвыканкама.
Аварыя здарылася 8 верасня каля 10:20. Адзначаецца, што 45-гадовы мясцовы жыхар, кіруючы аўтамабілем “Опель”, рухаўся па аўтамабільнай стаянцы каля дома №56 па вуліцы Леніна. Паводле папярэдняй інфармацыі, пры руху заднім ходам ён “не забяспечыў бяспеку дарожнага руху і здзейсніў наезд на 88-гадовага жыхара Ляхавічаў, які перасякаў праезную частку па-за пешаходным пераходу”.
Пешаход быў шпіталізаваны. Пазней УУС паведаміла пра смерць мужчыны ад атрыманых траўмаў.
У 2025 годзе колькасць дарожна-транспартных здарэнняў у Беларусі знізілася на 5,5% (з 3.453 да 3.262), вынікае з праведзенага “Позіркам“ аналізу даных Нацыянальнага статыстычнага камітэта. Колькасць загінулых у ДТЗ скарацілася на 1,8% (з 434 да 426), траўмаваных — на 8,4% (з 3.804 да 3.483).
