Колькасць беларускіх турыстаў у кітайскай правінцыі Хайнань павялічылася на 127% пасля адкрыцця прамых авіязносін — СМІ

9 верасня, Позірк. У студзені — жніўні 2026 года правінцыю Хайнань на поўдні Кітая наведала каля 36 тыс. грамадзян Беларусі.

Як паведаміла агенцтва ТАСС са спасылкай на інфармацыю газеты “Хайнань жыбаа”, у гадавым вылічэнні (у параўнанні з аналагічным перыядам 2025 года) гэты паказчык павялічыўся на 127%.

У кастрычніку мінулага года авіякампанія “Белавія” адкрыла прамы рэйс у кітайскі курортны горад Санья на паўднёвым узбярэжжы вострава Хайнань (найбуйнейшага ў аднайменнай правінцыі). У цяперашні час рэйсы выконваюцца па серадах і суботах.