Колькасць работнікаў у верасні знізілася пасля росту ў жніўні

26 кастрычніка, Позірк. У эканоміцы Беларусі ў верасні 2023 года было занята 4 млн 137,9 тыс. чалавек — на 56,5 тыс. менш (-1,3%), чым годам раней (4 млн 194,4 тыс.), паведамляе Нацыянальны статыстычны камітэт .

У студзені налічвалася 4 млн 172,9 тыс. работнікаў, лютым — 4 млн 172,4 тыс., сакавіку — 4 млн 175,9 тыс., красавіку – 4 млн 163,8 тыс., траўні — 4 млн 150,7 тыс., чэрвені — 4 млн 148,1 тыс., ліпені — 4 млн 147 тыс., жніўні — 4 млн 151 тыс. За апошні месяц іх колькасць зменшылася на 13,1 тыс. (-0,3%).

Паводле звестак Белстата, у трэцім квартале 2023 года ўзровень занятасці насельніцтва (адносіны колькасці занятага насельніцтва да колькасці насельніцтва ва ўзросце 15–74 гадоў) склаў 67,7% (год раней — 68,5%).