Ад ПДВ вызвалена 137 відаў імпартнай тэхнікі — ад прасаў да частак ядзерных рэактараў
Корпус рэактара для БелАЭС
8 чэрвеня, Позірк. 137 відаў імпартнага тэхналагічнага абсталявання, камплектуючых і запчастак вызвалена ад падатку на дабаўленую вартасць, вынікае з пераліку, зацверджанага пастановай Савета міністраў № 408 ад 5 чэрвеня.
Пазіцыі ў дакуменце, апублікаваным 8 чэрвеня на Нацыянальным прававым інтэрнэт-партале, адпавядаюць кодам таварнай наменклатуры знешнеэканамічнай дзейнасці Еўразійскага эканамічнага саюза.
У пераліку пазначаныя асобныя вырабы з пластмас, абразівы, катлы, печы, часткі турбін, прывадныя рамяні, рухавікі і пнеўматычныя сілавыя ўстаноўкі, гідраўлічныя агрэгаты, розныя помпы і іх часткі, вентыляцыйнае, кампрэсарнае, ахаладжальнае абсталяванне, некаторае машыны, механізмы і абсталяванне для прамысловасці — медыцынскай, тэкстыльнай, папяровай, тытунёвай, харчовай (мукамольнай, кандытарскай, цукровай, піваварнай), цэнтры і станкі для апрацоўкі, пілы ды інш.
Звяртаюць на сябе ўвагу такія пазіцыі, якія фігуруюць у спіце, як электрапрасы, чыгуначныя лакаматывы, маторныя вагоны — пасажырскія, таварныя і багажныя, а таксама часткі ядзерных рэактараў і неапрамененыя цеплавыдзяляльныя элементы для іх.
Пастанова прынятая на падставе ўказа № 77 ад 4 сакавіка “Аб вызваленні ад падатку на дабаўленую вартасць”.
Лукашэнка вызваліў ад ПДВ імпартнае абсталяванне, якое не мае аналагаў у Беларусі
4 сакавіка, Позірк. Аляксандр Лукашэнка 4 сакавіка падпісаў указ № 77 "Аб вызваленні ад падатку на дабаўленую вартасць", накіраваны на стымуляванне мадэрнізацыі існуючых і стварэнне новых вытворчасцяў, паведаміла яго прэс-служба. У адпаведнасці з дакументам, "ад ПДВ вызваляецца тэхналагічнае абсталяванне, якое …
