Ціханоўская заклікала асудзіць антысеміцкую рыторыку Лукашэнкі
Святлана Ціханоўская і старшыня Канферэнцыі еўрапейскіх рабінаў Пінхас Гольдшміт (9 траўня 2024 года, Аахен)
15 чэрвеня, Позірк. Асудзіць антысеміцкую рыторыку Аляксандра Лукашэнкі заклікала беларускі дэмакратычны лідар Святлана Ціханоўская.
“Нядаўнімі антысеміцкімі выказваннямі Лукашэнка абвінавачвае яўрэяў у карупцыі ў яго ўрадзе, называючы іх злодзеямі і пагражаючы іх будучыні. Яго рэжым, а не яўрэйская супольнасць з’яўляецца сапраўднай крыніцай карупцыі. Такая ненавісніцкая рыторыка небяспечная і павінна быць безумоўна асуджаная”, — напісала палітык на сваёй старонцы ў сацыяльнай сетцы Х.
На нарадзе з кіраўніцтвам Савета міністраў 14 чэрвеня Лукашэнка дапусціў чарговае антысеміцкае выказванне, кажучы пра карупцыйную справу, адным з фігурантаў якой з’яўляецца яго былы памочнік — інспектар па Віцебскай вобласці, экс-міністр сельскай гаспадаркі і харчавання Ігар Брыло.
“Пра Брыло шмат чулі, — заявіў ён (фрагмент выступу быў паказаны ў вечаровым эфіры тэлеканала “Беларусь 1”, прэс-служба тэкставую расшыфроўку адпаведнага моманту не апублікавала). — Не буду нагадваць і паўтараць. Прыцягнутыя на сёння тры дзясяткі чалавек”.
“Вы мяне прабачце, я не антысеміт, але больш за палову — яўрэі, — дадаў Лукашэнка. — Яны што ў нас прывілеяванае становішча займаюць, што яны крадуць і не думаюць пра сваю будучыню? Усе аднолькавыя перад законам — і яўрэй, і беларус, і ўкраінец, і рускі, і паляк. Вінаваты — будзе сядзець”.
Лукашэнка неаднаразова трапляў у скандалы праз свае антысеміцкія выказванні.
Лукашэнка зноў праявіў антысемітызм — вылучыў яўрэяў у гучнай справе аб карупцыі
15 чэрвеня, Позірк. Чарговае антысеміцкае выказванне дапусціў Аляксандр Лукашэнка, кажучы 14 чэрвеня на нарадзе з урадам пра карупцыйную справу, адным з фігурантаў якой з'яўляецца яго былы памочнік — інспектар па Віцебскай вобласці, экс-міністр сельскай гаспадаркі і харчавання Ігар Брыло. “Пра Брыло шмат …
