Група ў сацсетцы “УКантакце” “Жыве Беларусь!” прызнана “экстрэмісцкім фарміраваннем”

26 чэрвеня, Позірк. Міністэрства ўнутраных спраў 26 чэрвеня прызнала “экстрэмісцкім фармаваннем” групу ў сацыяльнай сетцы “УКантакце” “Жыве Беларусь!” (больш за 8,5 тыс. падпісчыкаў).

Адпаведная інфармацыя ўнесена ў абноўлены пералік на сайце міліцэйскага ведамства.

Паводле звестак МУС, да пабліка маюць прамыя адносіны грамадзяне Беларусі Юрый Цярпілоўскі, Уладзімір Кондрусь (былы палітвязень, — “Позірк”.), Катажына Рэдзікульцава і грамадзянін РФ Міхаіл Лаеўскі.

У спіс таксама ўключаны групы і старонкі ў гэтай сацсетцы “Рух За новыя выбары без лукашэнкі!”, “Юрась Турпілоўскі”, “Катажына Хортан”, “Michal Lajewski”, “Марыя Хадасевіч”, “Сяргей Андранюк”, “Галіна Багданава”.

У спісе “экстрэмісцкіх фарміраванняў” на 26 чэрвеня 223 пазіцыі.