Памёр былы амбасадар Беларусі ў Германіі Дзяніс Сідарэнка

Апублікавана на адкрытай версіі “Позірку” 26 чэрвеня 2024 года ў 16:49

26 чэрвеня, Позірк. Як стала вядома “Позірку”, 24 чэрвеня ва ўзросце 48 гадоў ад сардэчнага прыступу памёр былы амбасадар Беларусі ў Германіі (2016-2024) Дзяніс Сідарэнка, вызвалены ад пасады ўказам Аляксандра Лукашэнкі сёлета 11 сакавіка.

У МЗС пра смерць дыпламата афіцыйна пакуль не паведамлялі. Сідарэнка змяніў на пасадзе амбасадара ў ФРГ Андрэя Гіро, які памёр 17 лістапада 2015 года таксама ва ўзросце 48 гадоў ад анкалагічнага захворвання.