Бізнес падтрымаў стварэнне Інстытута беларускай мовы — Баркоўскі

1 ліпеня, Позірк. Ідэя стварэння за мяжой Інстытута беларускай мовы знайшла падтрымку ў “нацыянальна арыентаваных бізнесменаў”, паведаміў “Позірку” намеснік прадстаўніцы па нацыянальным адраджэнні Аб’яднанага пераходнага кабінета (АПК) Павел Баркоўскі.

Ён адзначыў, што ў сувязі з гэтым ёсць “вялікія надзеі на хуткую практычную рэалізацыю і заснаванне адпаведнай структуры”.

Паводле слоў Баркоўскага, праект “не ставіць сабе за мэту супрацьстаяць афіцыйным структурам, накшталт Інстытуту мовазнаўства, які працягвае працаваць у Беларусі, але дбае пра пераемнасць і пашырэнне традыцыі, стварае гарантыю грамадскага ўдзелу ў вызначэнні лёсу беларускай мовы ў будучым”.

“Такія рэчы, як, прыкладам, моўныя кансультацыі, кадыфікацыя, маніторынг і зацвярджэнне новатвораў ці распрацоўка беларускамоўнай тэрміналогіі могуць быць скарыстаныя беларусамі як унутры краіны, так і па-за яе межамі. Мы спадзяёмся, што шматлікія распрацоўкі, зробленыя пры ўдзеле супрацоўнікаў будучага інстытута, акажуць дзейсны ўплыў на змяненне моўнай сітуацыі ў краіне і пашырэнне ролі беларускай мовы ва ўсім свеце”, — адзначыў суразмоўца “Позірку”.

Падрабязнасці даступныя падпісчыкам “Позірк+”