Францыя “прыняла да ведама” вызваленне палітвязняў і заклікала беларускія ўлады спыніць рэпрэсіі
8 ліпеня, Позірк. Францыя “прымае да ведама вызваленне некалькіх беларускіх палітычных зняволеных” і “заклікае ўлады Беларусі працягваць рух па гэтым шляху”, гаворыцца ў апублікаванай 8 ліпеня заяве амбасады гэтай краіны ў Мінску.
Падкрэсліваецца, што Беларусь павінна “выканаць свае міжнародныя абавязацельствы па выкананні правоў чалавека і асноўных свабод”.
“Францыя зноў заяўляе аб сваёй салідарнасці з беларускім народам. Яна заклікае ўлады спыніць палітычна матываваны гвалт, судовыя пераследы і арышты, а таксама пачаць сапраўдны дыялог з усімі пластамі беларускага грамадства”, — гаворыцца ў заяве.
Праваабаронцам вядома пра 18 палітвязняў, якія 3 ліпеня выйшлі на волю. Сярод іх — 4 жанчыны і 14 мужчын, у тым ліку прыгавораны да 10 гадоў калоніі палітык Рыгор Кастусёў, у якога анкалагічнае захворванне.
Прозвішчы іншых вызваленых не публікуюцца з меркаванняў бяспекі.
2 ліпеня Аляксандр Лукашэнка анансаваў вызваленне цяжкахворых апанентаў улады. У той жа дзень ён падпісаў закон аб амністыі з нагоды 80-годдзя вызвалення Беларусі, які, аднак, па змесце не распаўсюджваецца на асоб з “экстрэмісцкіх спісаў”.
Генеральны сакратар ААН Антоніу Гутэрыш на сустрэчы з Лукашэнкам 4 ліпеня ў Астане (Казахстан) выказаў пажаданне, каб амністыя, у выніку якой было вызвалена некалькі палітвязняў, стала “крокам да поўнай павагі правоў чалавека і асноўных свабод у Беларусі”. Ён выказаў занепакоенасць сітуацыяй з правамі чалавека ў Беларусі.
Да вызвалення ўсіх палітвязняў заклікалі ЗША і ЕС.
Частка палітвязняў адмовілася выходзіць на волю 3 ліпеня, не пагадзіўшыся з умовамі ўладаў — "Вясна"
8 ліпеня, Позірк. Некаторыя палітычныя зняволеныя адмовіліся выходзіць на волю 3 ліпеня, не пагадзіўшыся з умовамі ўладаў, паведамляе праваабарончы цэнтр "Вясна". "Верагодна, гэта звязана з тым, што частка палітвязняў выйшла на волю па памілаванні — ім прыйшлося пісаць прашэнне на …
