Чатыры банкі паведамілі пра чарговыя новаўвядзенні

11 ліпеня, Позірк. Чатыры банкі, якія працуюць у Беларусі, паведамілі на сваіх сайтах пра чарговыя новаўвядзенні ў абслугоўванні кліентаў.

“Альфа Банк” да 30 чэрвеня 2025 года спыніў спагнанне базавага і пераменнага ўзнагароджання па ўсіх формах давернага кіравання ў доларах, еўра і расійскіх рублях.

Банк “ВТБ (Беларусь)” павялічыў ліміт да 70 тыс. рублёў па базавых праграмах спажывецкага крэдытавання. Падаць заяўку можна без абавязковага прадастаўлення даведкі аб даходах незалежна ад сумы.

“Белгазпрамбанк” 1 жніўня павышае тарыф за перадачу паведамлення аб выдачы (адмене) банкаўскай гарантыі ў форме электроннага дакумента з 36 да 43,2 рубля (+20%), а таксама аб змене банкаўскай гарантыі з 28,8 да 34,8 рубля (+20,1%).

“МТБанк” адмяніў ўзнагароджанне за выдачу выпіскі па рахунку з карткай (тут і далей — з базавымі ўмовамі абслугоўвання), за безнаяўнае залічэнне грашовых сродкаў на рахунак з карткай па тарыфным плане “Ддля сябе”, за падключэнне опцыі “Партнёрская сетка” па банкаўскай аплатнай картцы “Кактус”, за сервіснае абслугоўванне картак пры знаходжанні іх у статусе “Чакае закрыцця”.

На 1 чэрвеня 2024 года ў Беларусі зарэгістравана 22 банкі (адзін з іх — “Дэльта Банк” — знаходзіцца ў стадыі банкруцтва).

Іх прыбытак з пачатку года, згодна з праведзеным “Позіркам“ аналізам звестак Нацыянальнага банка, паменшыўся на 1 млрд 542,4 млн рублёў (-52,5%) і на 1 чэрвеня склаў 1 млрд 397,1 млн рублёў. Пры гэтым у траўні прыбытак банкаў павялічылася на 277,1 млн (+24,7%). На 1 чэрвеня 2023 года гэты паказчык быў роўны 1 млрд 66 млн рублёў (прырост год да года — 31,1%).

Нарматыўны капітал фінансава-крэдытных устаноў за пяць месяцаў стаў большым на 5% (з 19 млрд 961,4 млн да 20 млрд 955,5 млн), а яго дастатковасць — на 0,3 адсоткавага пункта (з 19,9% да 20,2%).