16 ліпеня, Позірк. У Кабардзіна-Балкарыі ратавальнікі эвакуююць цела загінулага беларуса, паведамляе прэс-служба Міністэрства па надзвычайных сітуацыях Расіі.
На момант прыбыцця спецыялістаў у цясніну Ірык-Чат 34-гадовы мужчына, які быў у складзе беларускай турыстычнай групы з 14 чалавек, памёр. 15 ліпеня ён сарваўся са скалы і траўмаваўся.
МНС адзначае, што турысты не зарэгістравалі свой маршрут у ведамстве.
У верасні 2023 года ў гэтым жа рэгіёне сарваўся і загінуў 40-гадовы беларускі турыст, у ліпені — жанчына 1955 года нараджэння.
Таксама ў ліпені 2023 года на вышыні 5.100 метраў ратавальнікі знайшлі і эвакуявалі пяць турыстаў, у тым ліку чатырох грамадзян Беларусі. Група не зарэгістравала маршрут у МНС.
