Еўра падаражэў на апошніх біржавых таргах ліпеня

31 ліпеня, Позірк. Адзіная еўрапейская валюта падаражэла на таргах Беларускай валютна-фондавай біржы 31 ліпеня.

Каціроўка еўра вырасла да 3,415 рубля (0,0294 рубля, 0,87%).

Долар патаннеў да 3,1277 рубля (-0,0072, -0,23%), юаня — да 4,3057 за 10 (-0,0159, -0,37%), расійскага рубля — да 3,6005 за 100 (-0,0003, -0,01%).

На мінулым працоўным тыдні (22–26 ліпеня) курс долара знізіўся на 1,76% (з 3,171 да 3,1151), юаня — на 1,44% (з 4,3701 да 4,3082 за 10), еўра — на 2,73% (з 3,452 да 3,3577), каціроўка расійскага рубля вырасла на 0,4% (з 3,5926 да 3,6071 за 100).

Да канца гэтага года ёсць “прастора для ўмеранага паслаблення нацыянальнай валюты” — з улікам “залішняга попыту ў эканоміцы, а таксама сальда знешняга гандлю, якое боўтаецца каля нуля” (па выніках студзеня — траўня склала -502,5 млн долараў — у 2,5 раза больш, чым было годам раней), заявіў старшы навуковы супрацоўнік даследчага цэнтра BEROC Анатоль Харытончык на брыфінгу 22 ліпеня.

Згодна з базавым прагнозам, сказаў эксперт, паслабленне беларускага рубля да кошыка замежных валют складзе каля 4% (чацвёрты квартал 2024-га да чацвёртага квартала 2023-га).

Афіцыйны курс долара ў Беларусі ў студзені знізіўся на 0,01% (з 3,1775 да 3,1771 рубля) — гэта быў шосты паказчык на тэрыторыі былога СССР; у лютым — вырас на 1,95% (да 3,2391) — другое месца пасля Расіі (2,89%), за два месяцы — на 1,94% (шостае месца); у сакавіку — на 0,33% (да 3,2498) — пятае месца, за тры месяцы — на 2,28% (трэцяе); у красавіку — на 0,14% (3,2542) — шостае месца, за чатыры месяцы — на 2,41%; у траўні знізіўся на 1,48% (3,2059) — трэцяе месца, за пяць месяцаў вырас на 0,89% (восьмае). У чэрвені долар патаннеў на 1,36%, па выніках першага паўгоддзя — на 0,48% (з 3,1775 да 3,1624).

За 2023 год каціроўка долара павялічылася на 16,12% (з 2,7364 да 3,1775 рубля). Гэта другі паказчык на постсавецкай прасторы, сведчыць праведзены “Позіркам” параўнальны аналіз каціровак цэнтрабанкаў на 31 снежня 2022 года і 31 снежня 2023-га. На першым месцы Расія — 27,51% (з 70,3375 да 89,6883 рубля).