Затрыманаму грамадзяніну Японіі прад’яўлена абвінавачанне ў агентурнай дзейнасці — КДБ
6 верасня, Позірк. Грамадзяніну Японіі Наканісі Масатосі прад’яўлена абвінавачанне ва ўчыненні злачынства, прадугледжанага артыкулам 3581 Крымінальнага кодэкса Беларусі (агентурная дзейнасць). Пра гэта паведаміў 5 верасня ў рэпартажы “Правал “самурая” з Токіа” на тэлеканале “Беларусь 1” начальнік Следчага ўпраўлення КДБ Канстанцін Бычак.
Згаданы “падданы Японіі” затрыманы па падазрэнні ў супрацоўніцтве з замежнай разведкай, дадаў прадстаўнік ведамства.
Паводле яго сцвярджэння, Наканісі, знаходзячыся на тэрыторыі Беларусі, ажыццяўляў збор і перадачу ў адрас японскай спецслужбы “выведвальнай інфармацыі ваеннага характару, у прыватнасці, аб беларускай ваеннай інфраструктуры, аб перамяшчэнні войскаў і ваеннай тэхнікі, аб бягучай сітуацыі на паўднёвым напрамку”.
Акрамя таго, паводле слоў Бычака, “іншаземцу разведорганам адпрацоўваліся заданні па вярбовачным вывучэнні беларускіх грамадзян, якія маюць доступ да дзяржаўных сакрэтаў”.
“Падчас праведзенага расследавання, якое цяпер набліжаецца да завяршэння, атрыманы пераканаўчыя і неабвержныя доказы супрацьпраўнай дзейнасці Наканісі. На канфіскаванай тэхніцы выяўлена перапіска фігуранта з цэнтрам, якая змяшчае справаздачы аб выкананых заданнях, звесткі аб панесеных ім пры гэтым фінансавых затратах і іншае”, — сказаў ён.
Акрамя таго, адзначыў начальнік Следчага ўпраўлення КДБ, падчас аператыўна-вышуковых мерапрыемстваў, зафіксаваны “неаднаразовыя сустрэчы іншаземца з прадстаўнікамі замежнай спецслужбы, якія працуюць на тэрыторыі Рэспублікі Беларусь пад дыпламатычным прыкрыццём”.
Абвінавачаны ўтрымліваецца ў следчым ізалятары КДБ, і, паводле сцвярджэння Бычака, “актыўна супрацоўнічае са следствам і дае падрабязныя паказанні аб сваёй супрацьпраўнай дзейнасці”.
У рэпартажы сказана, што Наканісі пераехаў у Гомель у 2018 годзе. Паведамляецца, што ён узяў фіктыўны шлюб з грамадзянкай Беларусі, які затым скасаваў, і ўладкаваўся працаваць выкладчыкам японскай мовы ў Гомельскі дзяржаўны ўніверсітэт ім. Скарыны.
З Гомеля ён нібыта ездзіў у раён беларуска-ўкраінскай мяжы, дзе, “здымаў дарогі, масты, стратэгічныя аб’екты, кшталту вакзалаў ці аэрапортаў, інфраструктуру ваенных аб’ектаў, а таксама чыгуначныя пуці, напрыклад, там, дзе ляжаць вузкакалейныя рэйкі”.
Сцвярджаецца, што падазраваны за шэсць гадоў жыцця ў Беларусі зрабіў больш за 9 тыс. “дакладных фатаграфій з беларуска-ўкраінскага прынгранічча”, якія ён “баяўся перадаваць па інтэрнеце, а хацеў выключна асабіста, у рукі” куратарам пасля прыбыцця ў Японію.
Галоўным напрамкам яго працы ў рэпартажы называецца “збор дзелавой інфармацыі” праз адкрытую ім “фірму-пустышку”. Таксама сцвярджаецца, што японец збіраў інфармацыю аб сацыяльна-палітычнай сітуацыі ў Беларусі, прыводзяцца кадры ягонага ўдзелу ў пратэстах 2020 года, падчас якіх яго перапіска з “куратарам” са спецслужбаў, па сцвярджэнні аўтараў рэпартажу, стала больш актыўнай.
Пра тое, што “ў гісторыі Беларусі ўпершыню спынена дзейнасць японскіх спецслужбаў”, — тэлеграм-канал Агенцтва тэленавін, якое ўваходзіць у структуру Белтэлерадыёкампаніі, паведаміў 4 верасня.
“Пойманы агент, пададзены Краіны ўзыходзячага сонца, які меў самыя шырокія інтарэсы, пачынаючы ад збору інфармацыі аб сацыяльна-палітычнай абстаноўцы ў Беларусі, рэалізацыі кітайскай ініцыятывы “Адзін пояс — адзін шлях” і заканчваючы тым, што адбываецца на беларуска-ўкраінскай мяжы, здымкай ваеннай інфраструктуры”, — гаварылася ў анонсе рэпартажу.
Таксама называлася імя затрыманага.
Факт затрымання 50-гадовага грамадзяніна краіны ў Беларусі “9 ліпеня за меркаванае парушэнне беларускага заканадаўства” пацвердзіла 4 верасня тэлеканалу NHK амбасада Японіі ў Мінску.
5 верасня гэтую інфармацыю пацвердзіў журналістам галоўны сакратар Кабінета міністраў Японіі Ёсімаса Хаясі. Паводле яго слоў, японскі консул сустрэўся з затрыманым, урад “аказаў яму максімальную падтрымку, у тым ліку звязаўся з яго сваякамі”.
Даведка “Позірку”:
Згодна з артыкулам 3581 КК Беларусі, “супрацоўніцтва замежнага грамадзяніна або асобы без грамадзянства са спецыяльнай службай, органам бяспекі або разведвальным органам замежнай дзяржавы, міжнароднай або замежнай арганізацыяй, спалучанае са здзяйсненнем дзеянняў, загадзя накіраваных на прычыненне шкоды нацыянальнай бяспецы Рэспублікі Беларусь, пры адсутнасці прыкмет іншых больш цяжкіх злачынстваў супраць дзяржавы (агентурная дзейнасць) — караецца пазбаўленнем волі на тэрмін ад трох да сямі гадоў са штрафам або без штрафу”.
- Палітыка
Еўрапарламент абмеркаваў рэзалюцыю аб становішчы палітвязняў у Беларусі
- ПалітыкаЕўрапарламент абмеркаваў рэзалюцыю аб становішчы палітвязняў у Беларусі (падрабязна)Матэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 18 верасня 2024 годаМатэрыял даступны толькі падпісчыкам ПОЗІРК+
- ПалітыкаСікорскі назваў уручаную Латушку прэмію імя Валенсы "выражэннем падтрымкі дэмакратычных памкненняў беларусаў"Матэрыял даступны толькі падпісчыкам ПОЗІРК+
- Грамадства, Палітыка
Грамадзянін Латвіі Асарс затрыманы за ўвоз у Беларусь амфетаміну — ДМК
- Палітыка
Праваабаронцы прызналі палітвязнямі яшчэ сем чалавек
- ЭканомікаПры адмене цэнавага кантролю інфляцыя не перавысіць 10% — эксперт BEROC ХарытончыкМатэрыял даступны толькі падпісчыкам ПОЗІРК+
- Палітыка
Сталі вядомыя прозвішчы ўсіх 37 палітвязняў, вызваленых па памілаванні 16 верасня
- Палітыка
Ютуб-каналы беларускіх дзяржСМІ заблакаваныя ў Літве
- Эканоміка
Беларускую эканоміку чакае “павольнае астыванне” — BEROC
- ЭканомікаБеларускую эканоміку чакае "павольнае астыванне" — BEROC (падрабязна)Матэрыял даступны толькі падпісчыкам ПОЗІРК+
- Палітыка
Латушка прысвяціў прэмію “Салідарнасць” свайму бацьку і братам і паабяцаў “давесці барацьбу да канца”
- ПалітыкаЛатушка прысвяціў прэмію "Салідарнасць" свайму бацьку і братам і паабяцаў "давесці барацьбу да канца" (падрабязна)Матэрыял даступны толькі падпісчыкам ПОЗІРК+
Па патрабаванні гомельскай пракуратуры песні гурта Tor Band выдаленыя з прыкладання "Яндэкс Музыка"
- Грамадства
Мінулым днём на беларускіх метэастанцыях перапісана дзевяць рэкордаў цяпла 60-гадовай даўніны
- ГрамадстваМінулым днём на беларускіх метэастанцыях перапісана дзевяць рэкордаў цяпла 60-гадовай даўніны (падрабязна)Матэрыял даступны толькі падпісчыкам ПОЗІРК+
- Палітыка
Латвія звярнулася да ўладаў Беларусі з нагоды знікнення свайго грамадзяніна
- Палітыка
Названыя прозвішчы 27 палітвязняў, памілаваных 16 верасня
- Палітыка, Эканоміка
Суд ЕС адмовіўся здымаць санкцыі з "Беларуськалія", яго гендырэктара Галаватага і БКК
- Палітыка
Мінабароны незадаволенае тым, што Беларусь не запрашаюць назіраць за заходнімі вучэннямі
- Палітыка
Змітра Дашкевіча пачалі судзіць па новым абвінавачанні ў "злосным непадпарадкаванні" адміністрацыі калоніі
- ГрамадстваУлады маюць намер ліквідаваць аб'яднанні "Бізнес-ініцыятыва" і "Дзеці ХХІ стагоддзя"Матэрыял даступны толькі падпісчыкам ПОЗІРК+
- Палітыка
Праваабаронцы: Па справе праекту "Адукаванка" праходзяць затрыманні і выклікі ў КДБ настаўнікаў з усёй Беларусі
- Палітыка
НАТО рыхтуецца да канфлікту супраць "нашых дзяржаў", сцвярджае камандуючы ВПС і войскамі СПА Беларусі
- Грамадства
У Гомельскай вобласці 19 верасня будуць гучаць сірэны
- Эканоміка
Долар, еўра і юань падаражэлі на таргах БВФБ 18 верасня
- Палітыка, ЭканомікаДМК заявіў пра рост паступлення мытных плацяжоў без пазначэння аб'ёму — праз службовую таямніцуМатэрыял даступны толькі падпісчыкам ПОЗІРК+
- Грамадства, Эканоміка
Паводле ўзроўню заробку ў сферы медыцыны Беларусь на перадапошнім месцы ў ЕАЭС
- Грамадства, ЭканомікаПаводле ўзроўню заробку ў сферы медыцыны Беларусь на перадапошнім месцы ў ЕАЭС (падрабязна)Матэрыял даступны толькі падпісчыкам ПОЗІРК+
- Палітыка
АДКБ стварае пагрозы бяспецы і існаванню Арменіі, заявіў Пашынян