2 лістапада, Позірк. “Тое, што я тут, перад вамі, а не ў беларускай турме — прамое следства кантактаў і перамоваў паміж офісамі Святланы Ціханоўскай і сербскага прэзідэнта [Аляксандра] Вучыча”, — заявіў беларускі рэжысёр Андрэй Гнёт на прэс-канферэнцыі ў Берліне 2 лістапада.
31 кастрычніка стала вядома аб вызваленні Гнёта, які знаходзіўся ў Бялградзе пад хатнім арыштам у рамках судовага працэсу, пачатага Сербіяй на запыт аб экстрадыцыі, які накіравалі беларускія ўлады.
Паводле слоў Гнёта, ягоны кейс з уладамі Сербіі абмяркоўвалі дыпламаты “ўсяго Еўрасаюза, ЗША і Канады”. Аднак ключавая падзея адбылася “некалькі тыдняў таму на міжнароднай канферэнцыі ААН, калі каманда Святланы Ціханоўскай устанавіла прамы кантакт з офісам сербскага прэзідэнта”. “Асобнае дзякуй” Гнёт сказаў дарадцу Ціханоўскай па пытаннях дыпламатыі Дзянісу Кучынскаму, “які і трымаў прамы кантакт”.
“Сербскі бок паставіўся вельмі эмпатычна, уважліва, пазітыўна”, — адзначыў рэжысёр.
(Будзе дапоўнена.)
