2 студзеня зафіксаваныя першыя тэмпературныя рэкорды 2025 года

Апублікавана на адкрытай версіі “Позірку” 2 студзеня 2025 года ў 16:39

3 студзеня, Позірк. Першыя тэмпературныя рэкорды 2025 года зафіксаваныя 2 студзеня, сведчыць праведзены “Позіркам“ параўнальны аналіз аператыўных і архіўных звестак Белгідрамета.

У Брагіне паветра прагрэлася да 9,8 градуса цяпла. Ранейшы лакальны максімум дня пратрымаўся два гады (8,9 у 2023-м).

Абнавіліся экстрэмумы таксама ў Гомелі — 8,8 (7,5), Васілевічах — 8,8 (8,2), Мазыры — 8,4 (7,2), Слаўгарадзе — 5,5 (5,4) і Горках — 3,9 (3,8).

У Горках перапісаны рэкорд 2007 года, у астатніх гарадах ранейшыя максімумы адносіліся да 2023 года.

Паўтарыліся лакальныя экстрэмумы дня ў Лельчыцах — 9,3 градуса (2023) і Езярышчы — 4,4 (2018).

Рэкорд дня 2 студзеня (з 9 да 21 гадзіны) складае 11,9 градуса (зафіксаваны ў 2023 годзе ў Брэсце), сутачны — 13,8 (тады ж у Ваўкавыску).

3 студзеня пасля праходжання халоднага фронту тэмпература ў краіне істотна знізілася, днём у асноўным каля 0.