Беларусь заняла чацвёртае месца на тэрыторыі былога СССР па росце афіцыйнага курсу долара ў 2024 годзе
3 студзеня, Позірк. На 9,32% (з 3,1775 да 3,4735 рубля) вырас афіцыйны курс долара ЗША ў Беларусі ў 2024 годзе. Гэта чацвёрты паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2023 года і 31 снежня 2024-га.
У 2023 годзе ў Беларусі было другое месца па росце афіцыйнага курсу долара (+16,12%), у 2022-м — трэцяе (+7,39%), у 2021-м — чацвёртае сярод краін на тэрыторыі былога СССР, дзе долар патаннеў (-1,19%), у 2020-м — першае месца па яго падаражэнні (+22,59%).
У першую тройку паводле вынікаў 2024 года ўвайшлі Казахстан з ростам курсу долара на 15,18% (з 454,56 да 523,54 тэнге), Расія — 13,37% (з 89,6883 да 101,6797 рубля) і Украіна — 10,68% (з 37,9824 да 42,0390 грыўны).
