25 сакавіка, Позірк. За суткі з 6 раніцы 24 сакавіка да 6 раніцы 25 сакавіка з-за моцнага ветру парывамі да 22 м/с пацярпелі шасці населеных пунктаў у Горацкім і Мсціслаўскім раёнах Магілёўскай вобласці, вынікае з інфармацыі МНС.
Пашкоджаны дахі трох жылых дамоў, дзвюх школ, шасці сельскагаспадарчых будынкаў і адной гаспадарчай пабудовы. Пацярпелых няма.
Паводле звестак прадпрыемства “Белэнерга”, на працягу сутак на тэрыторыі краіны перыядычна парушалася электразабеспячэнне 223 населеных пунктаў (у Брэсцкай вобласці — аднаго, Віцебскай — 121, Гомельскай — 15, Гродзенскай — 31, Мінскай — 45, Магілёўскай — 10), 23 сельскагаспадарчых будынкаў і 889 трансфарматарных падстанцый. Пашкоджанні ліквідуюцца аварыйнымі брыгадамі.
На 6 раніцы 25 сакавіка без электразабеспячэння заставалася дзевяць населеных пунктаў (у Гомельскай вобласці тры, Мінскай — шэсць) і 41 трансфарматарная падстанцыя.
24 сакавіка МНС папярэджвала аб небяспецы ўзмацнення ветру.
