Карбалевіч: Расія хоча ператварыць Беларусь ва ўзор прарасійскай дзяржавы, да якой павінны быць падобныя і ўсе астатнія

16 красавіка, Позірк. Тое, што дэманструе Расія апошнім часам, паказвае, што яна не збіраецца паглынаць Беларусь, а хоча ператварыць краіну ва ўзор прарасійскай дзяржавы, да якой павінны імкнуцца быць падобнымі і ўсе астатнія. Такую думку выказаў палітычны аглядальнік “Радыё Свабода”, палітолаг Валер Карбалевіч падчас анлайн-дыскусіі, прысвечанай новаму свету і месцу для дэмакратычнай Беларусі ў ім. Мерапрыемства арганізавала 16 красавіка ініцыятыва “Банк ідэй”.

Карбалевіч падкрэсліў, што пытанне пра будучыню і прагнозы — цяжкая тэма, бо “заўсёды шмат магчымасцяў памыліцца”.

Разважаючы на тэму патэнцыйнага паглынання Расіяй Беларусі, эксперт адзначыў, што РФ намагаецца паставіць Беларусь у прыклад іншым, даючы зразумець, што, калі б Украіна стала падобнай на Беларусь, ніякай вайны не было б.

“І тое, што Пуцін два разы мінулым годам прыязджаў у Беларусь — гэта дэманстрацыя таго, што ён “шануе” ў пэўным сэнсе незалежнасць Беларусі. Ні ў Татарстан, ні ў Чачню Пуцін не ездзіць два разы на год. І тое, што Лукашэнка пасля прэзідэнцкіх выбараў з афіцыйным візітам наведаў Расію — гэта дэманстрацыя таго, што “калі вы будзеце сябе паводзіць так, як Лукашэнка, ніхто вас чапаць не будзе”, — лічыць палітолаг.

Падрабязнасці даступныя падпісчыкам “Позірк+”