У студзені — лютым чвэрць арганізацый Беларусі была стратнай, у Мінску — амаль траціна
28 красавіка, Позірк. У студзені — лютым 2025 года стратнымі было 23,8% усіх прадпрыемстваў Беларусі (без уліку суб’ектаў малога прадпрымальніцтва) — на 4,8 працэнтнага пункта больш, чым за два месяцы 2024-га (19%), сведчыць праведзены “Позіркам” аналіз даных Нацыянальнага статыстычнага камітэта.
У Мінску іх колькасць за год вырасла на 6,8 п.п. (з 24,7% да 31,5%), Мінскай вобласці — на 4,9 п.п. (з 19,3% да 24,2%), Брэсцкай — на 5,2 п.п. (з 18,6% да 23,8%), Гродзенскай — на 1,2 п.п. (з 21,1% да 22,3%), Магілёўскай — на 3,4 п.п. (з 17,7% да 21,1%), Гомельскай — на 4,1 п.п. (з 12,2% да 16,3%); Віцебскай — знізілася ў 2 разы (з 30,4% да 15,2%).