Папа Леў XIV заклікаў да вызвалення зняволеных журналістаў
12 траўня, Позірк. Салідарнасць са зняволенымі журналістамі выказаў 12 траўня кіраўнік рымска-каталіцкай царквы Леў XIV на сустрэчы з прадстаўнікамі сусветных СМІ, паведамляе партал навін Ватыкана.
Такіх журналістаў пантыфік назваў “змагарамі за права народаў на інфармацыю” і заклікаў да іх вызвалення.
“Адзначыўшы мужнасць тых, хто рызыкуе жыццём, распавядаючы пра войны, папа падкрэсліў, што іх пакуты заклікаюць да сумлення сусветнай супольнасці”, — гаворыцца ў паведамленні.
Паводле слоў Льва XIV, журналіст “павінен шукаць праўду, але ніколі не аддзяляць яе ад любові, таму што свет пачынаецца з кожнага”.
“Сапраўдная журналістыка таксама не можа быць па-за гісторыяй і часам: камунікацыя — гэта адказнае стварэнне культуры і прасторы дыялогу, асабліва ў лічбавую эпоху і на фоне імклівага развіцця штучнага інтэлекту”, — падкрэсліў папа рымскі.
Ён заклікаў СМІ “раззброіць камунікацыю, вызваліўшы яе ад забабонаў, нянавісці, фанатызму, зайздрасці і агрэсіі”.
69-гадовы амерыканскі кардынал Роберт Фрэнсіс Прэвост (папа Леў XIV) быў абраны кіраўніком рымска-каталіцкай царквы 8 траўня. Выбары адбыліся пасля смерці папы Францішка 21 красавіка 2025 года.
Беларускія дэмакратычныя сілы 8 траўня выказалі надзею, што папа Леў XIV стане голасам падтрымкі для пераследуемых. Аляксандр Лукашэнка ў той жа дзень запрасіў пантыфіка ў Беларусь.
Пасля падзей 2020 года беларускія ўлады не спыняюць масавыя палітычныя рэпрэсіі ў дачыненні да незалежных СМІ. Паводле звестак Беларускай асацыяцыі журналістаў, за кратамі знаходзіцца 39 прадстаўнікоў медыя.
Беларусь заняла 166-е месца ў індэксе свабоды прэсы "Рэпарцёраў без межаў"
2 траўня, Позірк. Беларусь заняла 166-е месца ў сусветным індэксе свабоды прэсы 2024 года, які склала міжнародная арганізацыя "Рэпарцёры без межаў" (RSF). Беларусь знаходзіцца паміж Кубай і Азербайджанам. У індэксе-2024 Беларусь займала 167-е месца, у 2023 годзе — 157-е, у …
