3 чэрвеня, Позірк. Міністр абароны Віктар Хрэнін накіраваўся ў Пакістан з “першым у гісторыі афіцыйным візітам”, паведаміла 3 чэрвеня прэс-служба беларускага ваеннага ведамства.
Адзначаецца, што чыноўнік “правядзе шэраг сустрэч і перагавораў з прадстаўнікамі вайсковага і палітычнага кіраўніцтва” гэтай краіны ў Паўднёвай Азіі.
“Плануецца, што правядзенне візіту дасць магчымасць не толькі надаць імпульс рэалізацыі двухбаковых праектаў у вайсковай сферы, але і будзе садзейнічаць развіццю супрацы ў гандлёва-эканамічнай сферы з улікам асаблівай ролі арміі ў грамадстве і эканоміцы Пакістана”, — гаворыцца ў паведамленні.
Па выніках перагавораў Аляксандра Лукашэнкі і прэм’ер-міністра Пакістана Шахбаза Шарыфа 11 красавіка ў Мінску было падпісанае двухбаковае пагадненне пра вайсковую супрацу. У той жа дзень Дзяржаўны вайскова-прамысловы камітэт Беларусі і Міністэрства абароннай прадукцыі Пакістана зацвердзілі праграму (дарожную карту) вайскова-тэхнічнага супрацы на 2025–2027 гады.
Згаданае пагадненне прадугледжвае ў тым ліку такія формы супрацы, як афіцыйныя візіты кіраўнікоў ваенных ведамстваў; працоўныя візіты, сустрэчы і кансультацыі бакоў ды інш.
