20 чэрвеня, Позірк. Пра смерць беларускага бізнесмен, заснавальніка брэнда Serge Сяргея Атрошчанкі паведамляе сайт “Смартпрэс“, які працуе ўнутры краіны.
Паводле звестак выдання, прадпрымальнік памёр пасля цяжкага анкалагічнага захворвання. Ён нарадзіўся ў 1970 годзе ў Мінску.
Атрошчанка вядомы як заснавальнік кампаніі па вытворчасці бялізны Serge. Адкрытае ў 1996 годзе вытворчасць прайшло праз працэдуру банкруцтва праз 20 гадоў.
Таксама бізнесмен быў адным з заснавальнікаў газет “Свободные новости“ (апазіцыйная) і “Обозреватель” (фармальна незалежная, але больш кампліментарная да ўладаў). Абедзве даўно не выходзяць. “Свободные новости” выдаваліся з 1991 года. У 2002 годзе Атрошчанка заявіў аб рашэнні закрыць штотыднёвік, спаслаўшыся на яго стратнасць і падзенне накладу. У стратах бізнесмен абвінаваціў рэдакцыю і амбасаду ЗША, якая, паводле яго слоў, выдавала СМІ гранты, замінаючы тым самым станаўленню мясцовага медыярынку. Аднак літаральна адразу рэдакцыя пачала выпускаць новую газету — “Свободные новости плюс” (да 2021 года).
