8 жніўня, Позірк. Аляксандр Лукашэнка і прэзідэнт Расіі Уладзімір Пуцін 8 жніўня правялі тэлефонную размову, падчас якой сярод іншага абмеркавалі візіт у Маскву спецпасланніка прэзідэнта ЗША Стывена Уіткафа і “прапановы амерыканскага боку па мірных перамовах”.
Як паведамляе прэс-служба Лукашэнкі, Пуцін “падрабязна праінфармаваў” суразмоўцу аб перамовах з Уіткафам у Крамлі і “дамоўленасцях прэзідэнтаў Расіі і ЗША аб сустрэчы”. “Цяпер вызначаецца месца яе правядзення”, — гаворыцца ў паведамленні.
Прэзідэнт РФ таксама распавёў Лукашэнку “аб выніках перамоваў у цэлым”.
На сайце Крамля адзначаецца, што падчас тэлефоннай размовы Пуцін інфармаваў Лукашэнку “аб бягучых расійска-амерыканскіх кантактах”. Той падзякаваў прэзідэнту РФ за інфармацыю і “высока ацаніў намаганні для выхаду на мірнае ўрэгуляванне ўкраінскага крызісу”.
“Закранутыя некаторыя пытанні двухбаковага парадку дня”, — гаворыцца ў паведамленні.
Папярэдні раз Пуцін і Лукашэнка размаўлялі 1 жніўня на Валааме (Карэлія, РФ).
Уіткаф наведваў Маскву 6 жніўня. Асноўнай тэмай яго перамоваў з Пуціным было спыненне вайны ва Украіне. Па выніках візіту паведамлялася аб магчымай сустрэчы прэзідэнтаў РФ і ЗША.
Аўтарызавацца
Забыліся пароль?
Выхад з профілю
