12 жніўня, Позірк. У Беларусь на мінулым тыдні было вернута 18,9 тоны ялавічных кішачных абалонак, вынікае з інфармацыі Федэральнай службы па ветэрынарным і фітасанітарным наглядзе (Рассельгаснагляд).
Груз быў дагледжаны ў пункце прыёму апавяшчэнняў “Чырвоны камень”, што месціцца ў Злынкаўскім раёне Бранскай вобласці РФ (мяжа з Добрушскім раёнам Гомельскай вобласці Беларусі). Інспектары Рассельгаснагляду, як адзначаецца, “знайшлі неадпаведнасці даных, заяўленых у ветэрынарным сертыфікаце і міжнароднай таварна-транспартнай накладной CMR, а таксама фактычных даных, пазначаных непасрэдна на маркіроўцы”.
“Акрамя таго, выяўлены нездавальняльны санітарны стан грузавога адсека аўтамабіля і тары, а таксама меўся шэраг слядоў маркіровачных этыкетак”, — гаворыцца ў паведамленні.
Гэта не першы выпадак, калі РФ вяртае прадукцыю ў Беларусь у тым ліку праз “нездавальняльны санітарны стан грузавога адсека”.
Летась у чэрвені супрацоўнікі расійскага ведамства не дазволілі ўвезці з Беларусі 5,4 тыс. курыных яек. Тады паведамлялася, што груз “перавозіўся без неабходных ветэрынарных суправаджальных дакументаў з пацвярджэннем паходжання, якасці і бяспекі, у аўтатранспартным сродку, які быў ў нездавальняльным санітарным стане”.
