Мінулым днём Літва зафіксавала рэкордную за апошнія гады колькасць спробаў парушэння мяжы з боку Беларусі

4 верасня, Позірк. Рэкордную за апошнія гады колькасць спробаў незаконнага пранікнення на сваю тэрыторыю з Беларусі — 55 — зафіксавала 3 верасня Служба аховы дзяржаўнай мяжы Літвы, сведчыць праведзены “Позіркам” аналіз яе аператыўных штодзённых звестак.

Столькі ж было зарэгістравана 3 красавіка 2023 года, пасля гэтага — ад 0 да 54 (6 кастрычніка 2023 года). Больш спробаў — 57 — апошні раз было адзначана 21 лістапада 2022 года.

За тры вераснёўскія дні Літва прадухіліла 61 спробу незаконнага перасячэння мяжы з беларускай тэрыторыі — больш, чым за ўвесь студзень (16) і ліпень (60). У жніўні было зарэгістравана 123 спробы, з пачатку года — 1.134, або ў 2,3 раза больш, чым за студзень — жнівень і тры дні верасня 2024 года (492).

Іншая актуальная статыстыка даступная падпісчыкам “Позірк+” (калі спасылка не працуе, карыстайцеся, калі ласка, гэтай)