Спецвытворчасць распачата ў адносінах да 27-гадовага Дзяніса Дзенісенкі

24 верасня, Позірк. Аб пачатку спецыяльнай вытворчасці ў дачыненні да 27-гадовага Дзяніса Дзенісенка паведамляецца ў спецыялізаваным тэлеграм-канале Следчага камітэта.

Яго вінавацяць паводле ч. 2 арт. 293 (удзел у масавых беспарадках) КК.

Дата пачатку спецвытворчасці — 19 верасня.

Фігуранту прапануюць “з’явіцца па адрасе: г. Брэст, вул. Пушкінская, 63” (абласное ўпраўленне Следчага камітэта).

Працэдура спецвытворчасці ў Беларусі прымянялася адносна больш як 150 чалавек. Гэтая вытворчасць па крымінальнай справе ў дачыненні да абвінавачанага, які знаходзіцца па-за межамі Беларусі і ўхіляецца ад яўкі ў орган, які вядзе крымінальны працэс.

Магчыма па 34 складах злачынстваў, якія пераважна адносяцца да катэгорыі цяжкіх і асабліва цяжкіх. Сярод іншага гэта акт тэрарызму, генацыд, наёмніцтва, здрада дзяржаве, дыверсія, стварэнне экстрэмісцкага фарміравання або ўдзел у ім, масавыя беспарадкі, заклікі да санкцый і інш.

Улады актыўна выкарыстоўваюць спецвытворчасць для абвінавачання, правядзення судоў і канфіскацыі па іх вырашэнні ўласнасці падсудных, якія знаходзяцца ў вымушанай эміграцыі.

У прыватнасці, у ліпені спецвытворчасць распачата ў дачыненні да сузаснавальніка і былога топ-мэнэджара кампаніі Wargaming Мікалая Кацалапава, у жніўні — закранула прадстаўнікоў ініцыятывы “Сумленныя людзі” Алены Жылачкінай (Жываглод), Зарыны Сарокінай, Алега Давыдчыка і Цімофея. Балкоўскага, верасні — экс-добраахвотніка палка Каліноўскага і былога сябра Каардынацыйнай рады Максіма Шабуцкага.