Два пацыенты, пацярпелыя падчас інцыдэнту на “Беларуськаліі”, пераведзеныя ў апёкавае аддзяленне

18 лістапада, Позірк. Два пацыенты, пацярпелыя падчас інцыдэнту на вытворчасці ААТ “Беларуськалій” (Салігорск, Мінская вобласць) пераведзеныя з рэанімацыйнага аддзялення бальніцы хуткай медыцынскай дапамогі ў сталіцы ў апёкавае аддзяленне, паведамляе Міністэрства аховы здароўя.

Ад пачатку ў Рэспубліканскі апёкавы цэнтр БХМД паступіла чацвёра пацярпелых. Аднаго ўжо выпісалі на амбулаторнае лячэнне, яшчэ адзін застаецца на лячэнні ў рэанімацыйным аддзяленні на апараце штучнай вентыляцыі лёгкіх.

Пра аварыю стала вядома днём 31 кастрычніка. Каля 13:00 на адкрытай пляцоўцы цэха мембраннага электролізу адбылася ўцечка салянай кіслаты, у выніку якой былі сур’ёзна траўмаваныя работнікі прадпрыемства.