1,3 кг псіхатропу вынята ў жыхара Магілёва, яму пагражае да 20 гадоў зняволення
5 студзеня, Позірк. За “незаконны наркаабарот у складзе арганізаванай групы” жыхару Магілёва пагражае да 20 гадоў пазбаўлення волі, заявіў намеснік начальніка ўпраўлення па наркакантролі і супрацьдзеянні гандлю людзьмі УУС Магілёўскага аблвыканкама Аляксандр Курпачэнка.
Адзначаецца, што 34-гадовага мужчыну затрымалі з доказамі злачынства ў Кіраўску.
“Высветлена, што магіляўчанін каля двух месяцаў працаваў кур’ерам інтэрнэт-магазіна па продажы наркатычных сродкаў і псіхатропных рэчываў, — паведаміў Курпачэнка (на падставе відэакаментарыю ў тэлеграм-канале МУС). — Забіраючы са схованак аптовыя партыі псіхатропаў, ён дзяліў іх на дробныя дозы і раскладваў на тэрыторыі Магілёва і Бабруйска”.
“Пры ім, у асабістым аўтамабілі і ў абсталяваных ім схованках знойдзена і вынята больш за кілаграм асабліва небяспечнага псіхатропнага рэчыва”, — падкрэсліў ён. Прэс-служба МУС удакладніла, што агулам знойдзена 1,3 кг “асабліва небяспечнага псіхатропнага рэчыва Альфа-PVP”.
У Брэсцкай вобласці затрыманы наркакур'ер, у яго вынята больш за 500 г псіхатропу
29 снежня, Позірк. Пра затрыманне 34-гадовага жыхара Кобрына (Брэсцкая вобласць), які, як сцвярджаецца, усяго два тыдні працаваў кур'ерам інтэрнэт-крамы па продажы наркотыкаў, паведаміла 29 снежня прэс-служба Міністэрства ўнутраных спраў. Паводле інфармацыі ведамства, мужчына "на ўказанне куратара забіраў буйныя партыі "тавара", …
