З-за снегападу ў Мінску парушаная праца грамадскага транспарту

9 студзеня, Позірк. У Мінску з-за моцнага снегу парушаная праца грамадскага транспарту.

За вечар 8 студзеня прадпрыемства “Мінсктранс” апублікавала каля 20 паведамленняў аб спыненні і/або змене маршрутаў у розных раёнах сталіцы. Першыя паведамленні з’явіліся ў 20:26 і 20:40 аб парушэнні руху аўтобусаў на вуліцы Байкальскай на паўднёва-ўсходняй ўскраіне горада.

Паводле інфармацыі МНС, дапамога супрацоўнікаў ведамства спатрэбілася ва ўсіх абласцях краіны, акрамя Віцебскай.

У Дрыбінскім, Кіраўскім, Глускім, Горацкім, Быхаўскім, Магілёўскім і Чавускім раёнах са снегу вынята восем легкавых аўтамабіляў. У Салігорскім раёне надавалі дапамогу ў буксіроўцы аўтамабіля, які з’ехаў у кювет. У Жыткавічах падраздзяленні МНС дапамаглі адбуксіраваць аўтобус. Пасажыраў унутры не было.

Карыстальнікі сацсетак дзеляцца фатаграфіямі і відэазапісамі снежных заносаў, затораў на дарогах, працы снегаўборачнай тэхнікі.