1 сакавіка, Позірк. Аб спыненні “схемы сістэмнай дзелавой карупцыі” паведамляе Міністэрства ўнутраных спраў.
“Устаноўлена: 46-гадовы кіраўнік філіяла аднаго з найбуйнейшых прадпрыемстваў аграпрамысловага комплексу Гродзенскай вобласці атрымаў ад прадстаўніка камерцыйнай структуры хабар у асабліва буйным памеры. Грошы служылі “падзякай” за арганізацыю закупак кармавых дабавак і бесперабойную адгрузку мяса свініны”, — адзначае ведамства.
У ходзе далейшых аператыўна-вышуковых мерапрыемстваў устаноўленыя “факты перадачы гатоўкі прадстаўнікамі гэтай жа фірмы службовым асобам трох сельгасарганізацый Брэсцкай вобласці”, заяўляе МУС.
“Агульная задакументаваная сума хабараў перавысіла 80 тыс. рублёў у эквіваленце”, — гаворыцца ў паведамленні.
Распачатыя крымінальныя справы.
“Фігурантам пагражае да 15 гадоў пазбаўлення волі. Устанаўліваюцца іншыя факты іх злачыннай дзейнасці”, — падкрэсліваецца ў рэлізе.
