20 траўня, Позірк. Долар, расійскі рубель і кітайскі юань падаражэлі, адзіная еўрапейская валюта патаннела на Беларускай валютна-фондавай біржы 20 траўня.
Курс долара вырас да 2,7304 рубля (+0,04%; +0,0011), юаня — да 4,0291 за 10 (+0,20%; +0,0081).
Каціроўка расійскага рубля паднялася да 3,8596 за 100 (+0,48%; +0,0185).
Курс еўра знізіўся да 3,1588 рубля (-0,23%; -0,0072).
За чатыры месяцы 2026 года Беларусь заняла чацвёртае месца на тэрыторыі былога СССР па зніжэнні афіцыйнага курсу долара да нацвалюты — 2,75% (з 2,9027 да 2,8230 рубля), сведчыць праведзены “Позіркам“ параўнальны аналіз каціровак цэнтрабанкаў.
У першай тройцы Казахстан — 8,18%, Расія — 4,28% і Арменія — 2,77%. За Беларуссю Узбекістан са зніжэннем курсу на 0,42% і Грузія — на 0,12%.
Долар падаражэў у Кыргызстане — на 0,01%; Латвіі, Літве, Эстоніі — на 0,41%, Таджыкістане — на 1,63%, Малдове — на 2,88% і Украіне — на 4,00%.
