З лістапада 2025 года за незаконныя дзеянні з БПЛА і авіямадэлямі прыцягнута да адказнасці больш за 150 чалавек

21 траўня, Позірк. Да адказнасці паводле арт. 18.38 КаАП (незаконныя дзеянні ў дачыненні да грамадзянскіх БПЛА і авіямадэляў) з лістапада 2025 года, калі яна была ўведзеная, прыцягнута 153 фізічныя і дзве юрыдычныя асобы, паведамляе Генеральная пракуратура.

Іх абавязалі выплаціць штрафы, дроны канфіскаваныя.

Большая частка парушэнняў — незаконны ўвоз тэхнікі ў краіну, гаворыцца ў рэлізе.

Увоз грамадзянскіх беспілотных лятальных апаратаў і авіямадэляў, іх захоўванне, абарот, эксплуатацыя або выраб у Беларусі значна абмежаваныя.

За паўторныя парушэнні, учыненыя на працягу года пасля накладання адміністрацыйнага спагнання, у арт. 300¹ КК прадугледжаная крымінальная адказнасць, у тым ліку пазбаўленне волі на тэрмін да двух гадоў.