Нацбанк анансаваў выпуск у абарачэнне новай 200-рублёвай банкноты

20 траўня, Позірк. Пра выпуск у абарачэнне з 1 чэрвеня 2026 года новай банкноты наміналам 200 беларускіх рублёў паведаміў 20 траўня Нацбанк са спасылкай на пастанову, падпісаную старшынёй праўлення Раманам Галоўчанкам.

Адзначаецца, што выпуск ажыццяўляецца “ў рамках планавых мерапрыемстваў па актуалізацыі дызайну і ахоўнага комплексу банкнот узору 2009 года, а таксама замене старых і пашкоджаных банкнот на прыдатныя да абарачэння“.

Паводле інфармацыі рэгулятара, банкнота наміналам 200 рублёў “працягне серыю раней абноўленых банкнот наміналам 5, 10, 20, 50 і 100 рублёў, выпушчаных у абарачэнне ў 2019-2022 гадах“.

Паведамляецца, што ў дызайн банкноты будуць унесеныя змены.

Банкнота наміналам 200 беларускіх рублёў (узору 2009 года) была афіцыйна ўведзенаზ ў абарачэнне 1 ліпеня 2016 года пры дэнамінацыі нацыянальнай валюты (1:10.000).

Банкнота прысвечаная Магілёўскай вобласці, адпаведнасць вобласці яе наміналу была вызначаная паводле алфавіта.

На яе адным баку намаляваны Магілёўскі абласны мастацкі музей імя Масленікава, на адваротным — калаж, прысвечаны тэме рамяства і горадабудаўніцтва (залаты ключ і пячатка Магілёва, кафля (печкавая кафля), фрагменты кованых кратаў).