За першую дэкаду чэрвеня суседнія краіны ЕС зафіксавалі больш за 700 спробаў незаконнай міграцыі з тэрыторыі Беларусі
11 чэрвеня, Позірк. 712 спробаў незаконнага пранікнення праз Беларусь мігрантаў трэціх краін зафіксавалі за першую дэкаду чэрвеня суседнія дзяржавы Еўрасаюза, сведчыць праведзены “Позіркам“ аналіз масіва даных іх пагранічных службаў.
98,7% спробаў — 703 — прыйшлося на Латвію, астатнія 9 — на Польшчу.
У параўнанні з першай дэкадай траўня колькасць спробаў нелегальна пранікнуць з Беларусі ў ЕС скарацілася на 78, або на 9,9%. З 790 спробаў 733 (92,8%) прыйшлося на беларуска-латвійскую мяжу, астатнія — на беларуска-літоўскую.
У параўнанні з першай дзесяцідзёнкай чэрвеня 2025 года актыўнасць мігрантаў скарацілася ў 3,6 раза.
