18 чэрвеня, Позірк. Пра гібель 40-гадовай жыхаркі Пружанаў (Брэсцкая вобласць) ад удару токам паведаміў 18 чэрвеня Следчы камітэт (СК).
Адзначаецца, што 17 чэрвеня яна прыехала на лецішча з двума малалетнімі дзецьмі. Каля 17 гадзін жанчына касіла траву з дапамогай электрычнага трымера, калі выпадкова зачапіла рухомай часткай інструмента провад падаўжальніка і атрымала ўдар токам.
Ад электратраўмы яна памерла.
“На месцы здарэння працавала следча-аператыўная група. Следчыя правялі агляд, зафіксавалі следавую карціну, апыталі відавочцаў і прызначылі судова-медыцынскую экспертызу“, — гаворыцца ў паведамленні СК.
Ведамства таксама нагадала аб неабходнасці строгага захавання правілаў бяспекі пры працы з электраінструментамі.
Аўтарызавацца
Забыліся пароль?
Выхад з профілю
