25 чэрвеня, Позірк. Дэпартамент па наглядзе за бяспечным вядзеннем работ прамысловасці Міністэрства па надзвычайных сітуацыях (Дзяржпрамнагляд) атрымаў паўнамоцтвы па наглядзе за “дзейнасцю юрыдычных асоб, якія ажыццяўляюць вытворчасць выбуховых рэчываў і вырабаў, якія іх утрымліваюць, у частцы вырабу, захоўвання, транспартавання і знішчэння”.
Такая норма прапісаная ва ўказе “Аб забеспячэнні пажарнай бяспекі”, які 25 чэрвеня падпісаў Аляксандр Лукашэнка, вынікае з паведамлення яго прэс-службы.
“Гэтая мера прынятая для таго, каб упарадкаваць нагляд у галіне прамысловай бяспекі і выключыць залішнюю наглядную нагрузку на суб’екты гаспадарання”, — гаворыцца ў паведамленні.
Варта адзначыць, што на падставе прынятага 5 студзеня 2016 года закона № 354-З “Аб прамысловай бяспецы” і шэрагу іншых профільных нарматыўных актаў Дзяржпрамнагляд ужо адказваў за нагляд у галіне вырабу, захоўвання, транспартавання і знішчэння выбуховых рэчываў — але на ўзроўні аб’ектаў, а не юрыдычных асоб.
Тэкст указа пакуль не апублікаваны.
Аўтарызавацца
Забыліся пароль?
Выхад з профілю
