12 ліпеня, Позірк. Аб узбуджэнні крымінальнай справы ў дачыненні да кіроўцы аднаго з сельгаспрадпрыемстваў Стаўбцоўскага раёна паведамляе УУС Мінскага аблвыканкама.
Адзначаецца, што мужчына “зліў са свайго службовага транспарту і прысвоіў 307 літраў бензіну”.
Выкрадзенае паліва ён захоўваў “у склепе жылога дома, які належыць сужыцельцы”.
“Міліцыянеры правялі праверку, па выніках якой следчыя распачалі крымінальную справу за прысваенне маёмасці”, — удакладняецца ў рэлізе.
Заяўляецца, што міліцыя ў Мінскай вобласці працягвае праводзіць мерапрыемствы ў сферы аграпрамысловага комплексу, накіраваныя на “кантроль выканання заканадаўства і прафілактыку крадзяжоў таварна-матэрыяльных каштоўнасцяў у сферы АПК”.
