Эксперты назвалі “кіраваную перадачу ўлады зверху” найбольш верагодным сцэнарыем сыходу Лукашэнкі

21 ліпеня, Позірк. Транзіт улады ў Беларусі да 2040 года практычна непазбежны, найбольш верагодным сцэнарыем пачатку гэтага працэсу з’яўляецца “кіраваная перадача ўлады зверху”. Такія высновы змяшчаюцца ў новым даследаванні Цэнтра новых ідэй “Маніторынг беларускага транзіту. Як павялічыць шанцы на дэмакратызацыю”, заснаваным на апытанні 29 экспертаў (пераважна — беларускіх і замежных палітолагаў).

“Практычна непазбежным” транзіт улады да 2040 года назвалі 90% удзельнікаў апытання. “Кіраваную перадачу ўлады зверху” адзначылі як найбольш верагодны пачатак транзіту 72% экспертаў.

Аўтары даследавання (Рыгор Астапеня, Дзмітрый Крук і Антон Раднянкоў) падкрэсліваюць, што “кантраляваны старт транзіту” не азначае гарантаванага кантролю над усім наступным працэсам, паколькі нават загадзя падрыхтаваная перадача ўлады можа прывесці да палітычнага крызісу і развіцця падзей “паводле нечаканага сцэнарыя”.

Галоўным магчымым трыгерам транзіту эксперты называюць стан здароўя Аляксандра Лукашэнкі. Гэты фактар указалі 79% удзельнікаў апытання. Яшчэ 38% лічаць важнай акалічнасцю “нестабільнасць у Расіі”.

Унутраныя прычыны магчымага пераходнага перыяду (масавыя пратэсты, эканамічны крызіс, раскол унутры эліт) эксперты лічаць менш верагоднымі.

Падрабязнасці даступныя падпісчыкам “Позірк+”