2 жніўня ў трох гарадах Гомельскай вобласці зафіксаваныя тэмпературныя рэкорды
2 жніўня, Позірк. Тры тэмпературныя рэкорды зафіксаваныя 2 жніўня на метэастанцыях Гомельскай вобласці, дзе сіноптыкі прагназавалі анамальна гарачае надвор’е. Гэта вынікае з праведзенага “Позіркам” параўнальнага аналізу аператыўных і архіўных даных Белгідрамета.
Перапісаныя максімумы дня ў Мазыры — 35,4 градуса (было 34,3 у 2014 годзе), Брагіне — 34,9 (34 тады ж) і Лельчыцах — 33,3 (31,9 у 1998-м).
Напярэдадні гістарычны максімум дня быў перакрыты: 36,3 градуса ў Брэсцу супраць 35,2 у Васілевічах у 1936 годзе.
3 жніўня Белгідрамет прагназуе невялікае пахаладанне (23-29 градусаў, па поўдні 30-33), затым спякота зноў узмоцніцца. 4 жніўня чакаецца ад 24 да 31, па паўднёвай палове ад 32 да 36 градусаў, 5 жніўня — ад 28 на поўначы да 38 на поўдні.
