У сувязі з землятрусам у Калумбіі МЗС заклікаў беларусаў выконваць у гэтай краіне меры бяспекі

11 жніўня, Позірк. Выконваць меры асабістай бяспекі рэкамендавала беларускім грамадзянам, якія знаходзяцца ў Калумбіі, Міністэрства замежных спраў.

Паведамленне апублікавана ў тэлеграм-канале ведамства ў сувязі з моцным землятрусам, зафіксаваным 10 жніўня ў заходніх рэгіёнах гэтай краіны.

Беларусам рэкамендуюць пазбягаць знаходжання паблізу будынкаў, якія маюць пашкоджанні, улічваць магчымасць паўторных падземных штуршкоў і выконваць указанні мясцовых уладаў.

У мэтах папярэджання рызык МЗС просіць “улічваць гэтую інфармацыю пры планаванні паездак у Калумбію і краіны рэгіёну”.

Эпіцэнтр землятрусу, магнітудай 7,4 бала, які адбыўся ў Калумбіі 10 жніўня, знаходзіўся ў 400 км на захад ад Багаты на прыблізна аднолькавай адлегласці ад гарадоў Калі і Медэльіна. У пацярпелых ад землетрасення раёнах ідуць пошукава-выратавальныя работы. Штуршкі таксама адчулі ў Эквадоры, паведамляе Еuronews.

Іспанская газета El Pais са спасылкай на звесткі мясцовых уладаў паведамляе, што колькасць ахвяр перавышае 220 чалавек. Верагодна, гэтая лічба не з’яўляецца канчатковай.