Будаўніча-мантажныя работы з пачатку года падаражэлі на 9%

12 жніўня, Позірк. У ліпені прамысловая прадукцыя патаннела на 0,4% у параўнанні з чэрвенем, з пачатку 2026 года — падаражэла на 3,9%, сведчаць даныя Нацыянальнага статыстычнага камітэта.

Інвестыцыйныя тавары: -0,2% і +2,3% адпаведна; прамежкавыя: -0,8% і +5,3%, спажывецкія: +0,1% і + 2,3%.

Цэны на сельскагаспадарчую прадукцыю: -1,5% і -3,4%, у тым ліку ў жывёлагадоўлі: -1,8% і -3,6%, у раслінаводстве: -0,5% і -2,5%.

У будаўніцтве: +2,2% і +6,1%, у тым ліку будаўніча-мантажныя: +3,2% і +9%, машыны і абсталяванне: +0,9% і +0,4%, іншыя працы і выдаткі: +2,6% і +10,8%.

Тарыфы на перавозку грузаў усімі відамі транспарту: +0,4% і +2,1%, паслугі сувязі для юрыдычных асоб і індывідуальных прадпрымальнікаў: +0,2% і +4,6%.

Спажывецкія цэны ў ліпені 2026 года павялічыліся на 0,3%. Харчовыя тавары за месяц патаннелі на 0,3%, нехарчовыя — падаражэлі на 0,8%, паслугі — на 0,6%.

У параўнанні са снежнем 2025-га рост цэн склаў 3,2%. Харчовыя тавары сталі даражэйшымі на 1,5%, нехарчовыя — на 2,3%, паслугі — на 7,3%.

У гадавым вымярэнні (да ліпеня 2025-га) цэны сталі вышэйшыя на 4,4%: на харчовыя тавары — на 3,1%, нехарчовыя — на 2,9%, паслугі — на 8,7%.

Летась інфляцыя склала 6,8%. Паводле найважнейшых прагнозных (дэ-факта — планавых) параметраў развіцця краіны на мінулы год, паказчык не павінен быў перавысіць 5%.

На бягучы год інфляцыя запланавана на ўзроўні да 7%.

Памесячныя паказчыкі “дапушчальнага росту цэн” да канца 2026 года зацверджаныя пастановай Міністэрства антыманапольнага рэгулявання і гандлю ад 30 снежня 2025 года № 84.

У студзені цэны не павінны былі вырасці больш чым на 0,7% да ўзроўню снежня 2025-га (фактычна +0,5%), у лютым (з нарастаючым вынікам) — не больш за 2% (+1%), сакавіку — 2,5% (+1,6%), красавіку — 3,1% (+2,5%), траўні — 3,4% (+2,6%), чэрвені — 3,8% (+2,9%), ліпені — 4% (+3,2%).

Далей: жнівень — 4,2%, верасень — 4,9%, кастрычнік — 5,5%, лістапад — 6,2%.

10 ліпеня ўрад паведаміў аб карэкціроўцы дзеючай сістэмы рэгулявання цэн. Пералік тавараў, якія падлягаюць яму, скарочаны з 199 да 76 пазіцый.

Даведка “Позірку”:

інвестыцыйныя тавары — тавары, якія выпускаюцца за кошт інвестыцыйнага капіталу і служаць для замены, абнаўлення асноўных сродкаў;

прамежкавыя тавары — тавары, якія выкарыстоўваюцца не для канчатковага спажывання, а для далейшага вытворчасці тавараў і паслуг;

спажывецкія тавары — тавары бытавога прызначэння, неабходныя для задавальнення патрэбаў чалавека.