Мужчына загінуў пад коламі цягніка ў Брэсцкім раёне

13 жніўня, Позірк. Увечары 12 жніўня паблізу чыгуначнай станцыі Харытоны ў Брэсцкім раёне ў выніку наезду цягніка загінуў 74-гадовы мужчына, паведамляе Следчы камітэт.

Папярэдне ўстаноўлена, што ён вяртаўся дадому праз чыгуначныя пуці: “Паводле відавочцаў, пенсіянер бачыў і чуў надыходзячы цягнік, аднак вырашыў не спыняцца і перайсці рэйкі”.

Брэсцкім міжраённым аддзелам СК праводзіцца праверка.

19 чэрвеня паведамлялася аб гібелі пад коламі грузавога цягніка ў Мінску 26-гадовага мужчыны. Інцыдэнт адбыўся 19 чэрвеня прыкладна ў 01:20 паблізу прыпыначнага пункта “Інстытут культуры”.

23 красавіка пад коламі цягніка ў Жодзіне (Мінская вобласць) загінула 25-гадовая жанчына. Адзначалася, што яна перасякала шляхі перад які рухаўся складам.