КДБ унёс яшчэ двух чалавек у спіс “тэрарыстаў”

21 жніўня, Позірк. Камітэт дзяржаўнай бяспекі ўнёс яшчэ двух чалавек, у пералік “асоб, якія маюць дачыненне да тэрарыстычнай дзейнасці”, вынікае са звестак, апублікаваных у 21 жніўня ў тэлеграм-канале спецслужбы.

У спіс дададзеныя палітвязень Мацвей Баранаў (2000 года нараджэння), ураджэнец Гомельскай вобласці, асуджаны паводле арт. 361 Крымінальнага кодэкса, і Максім Дзямчук (1994 г.н.), ураджэнец Брэсцкай вобласці, асуджаны паводле арт. 293 КК.

У дачыненні да абодвух уступілі ў сілу прысуды аб прызнанні іх вінаватымі ў здзяйсненні злачынстваў, паведамляе КДБ.

Паводле інфармацыі праваабарончага цэнтра “Вясна”, Баранаў затрыманы 10 верасня 2025, пазбаўлены волі на 5,5 года паводле арт. 361, 368, арт. 367, 361⁴, арт. 369¹ КК.

Міністэрства ўнутраных спраў 7 жніўня ўнесла яшчэ чатыры чалавекі ў спіс “асоб, якія маюць дачыненне да экстрэмісцкай дзейнасці”. Сярод іх быў рабочы з Пінска (Брэская вобласць) Максім Дзямчук.

Даведка “Позірку”:

арт. 293 КК — масавыя беспарадкі;

арт. 361 — заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь;

арт. 361⁴ — садзейнічанне экстрэмісцкай дзейнасці;

арт. 367 — паклёп у дачыненні да прэзідэнта;

арт. 368 — абраза прэзідэнта;

арт. 369¹ — дыскрэдытацыя Беларусі.