Рэальныя наяўныя даходы насельніцтва ў студзені — ліпені 2026 года выраслі на 8,1% — Белстат

15 верасня, Позірк. Рэальныя наяўныя грашовыя даходы насельніцтва Беларусі ў студзені — ліпені 2026 года выраслі на 8,1% да аналагічнага перыяду 2025-га, сведчаць даныя Нацыянальнага статыстычнага камітэта.

Месяцам раней паказчык быў на ўзроўні +8%.

У агульным аб’ёме грашовых даходаў аплата працы займае 66,6% (месяцам раней — 66,4%), трансферты насельніцтву (пенсіі, дапамогі, стыпендыі ды іншыя трансферты насельніцтву) — 22,1% (22,3%), даходы ад прадпрымальніцкай ды іншай дзейнасці, якая прыносіць даход, — 6,7% (6,7%), даходы ад уласнасці ды іншыя даходы — 4,6% (4,6%).

У студзені рост складаў 7,5%, студзені — лютым — 7,2%, студзені — сакавіку — 7,6%, студзені — красавіку — 8%, студзені — маі і студзені — чэрвені — 7,9%.

Летась у студзені — 13,8%, студзені — лютым — 12,5%, студзені — сакавіку — 12%, студзені — красавіку — 10,8%, студзені — траўні — 10,5%, студзені — чэрвені — 10,2%, студзені — ліпені і студзені — жніўні — 10%, студзені — верасні — 10,2%, студзені — кастрычніку — 10%, студзені — лістападзе — 9,9%, па выніках 2025-га — 9,6%.

Па выніках 2024 года пазначаныя даходы павялічыліся на 9,7%, 2023-га — на 6,3%, 2022-га — на 3,6%.

Як паведамляў “Позірк”, намінальны налічаны сярэдні заробак работнікаў у студзені 2026 года быў роўны 2.757,1 рубля, лютым — 2.743, сакавіку — 2.975,8, красавіку — 2.952,9, траўні — 3.003,5, чэрвені — 3.104,1, ліпені — 3.172.