15 верасня, Позірк. Аб смяротным ДТЗ у Жыткавіцкім раёне паведаміла ў зводцы за мінулыя выхадныя (13–14 верасня) Дзяржаўтаінспекцыя Гомельскай вобласці.
Паводле папярэдняй інфармацыі, 23-гадовы кіроўца аўтамабіля “БМВ” рухаўся 13 верасня на 6-м кіламетры аўтадарогі Н-4004 Тураў — Хільчыцы, калі перад ім на праезную частку выбег сабака.
“Кіроўца, спрабуючы сысці ад наезду, страціў кіраванне, увайшоў у некіравальны занос у выніку чаго з’ехаў у кювет, дзе перакуліўся”, — гаворыцца ў паведамленні.
У выніку ДТЗ мужчына атрымаў цялесныя пашкоджанні і быў шпіталізаваны ў рэанімацыйнае аддзяленне бальніцы ў Жыткавічах.
Пазней, як адзначаецца, ён памёр, не прыходзячы ў прытомнасць.
Гл. таксама:
У Зэльве пешаход загінуў пад коламі грузавіка
50-гадовы мужчына загінуў у Дзяржынскім раёне пад коламі смеццявоза — машына рухалася заднім ходам
