У студзені — жніўні аб’ём грузаперавозак вырас на 2,7%

16 верасня, Позірк. Аб’ём грузаперавозак у студзені — жніўні 2026 года вырас на 2,7% (тут і далей у гадавым вымярэнні), паведамляе Нацыянальны статыстычны камітэт.

У студзені 2026-га было зніжэнне аб’ёму грузаперавозак на 0,5%, студзені — лютым — на 0,9%, студзені — сакавіку — на 1,5%; студзені — красавіку зафіксаваны рост на 0,2%, студзені — траўні — на 1,1%, студзені — чэрвені — на 1,5%, студзені — ліпені — на 1,9%.

У 2025 годзе аб’ём грузаперавозак знізіўся на 2,6%: у студзені — на 1,6%, у студзені — лютым і студзені — сакавіку — на 2,7%, у студзені — красавіку — на 3%, у студзені — траўні — на 3,4%, у студзені — чэрвені — на 3,6%, у студзені — ліпені — на 3,8%, у студзені — жніўні — на 4%, у студзені — верасні — на 3,8%, у студзені — кастрычніку — на 3,1%, у студзені — лістападзе — на 3%.

Грузаабарот транспарту змяншаўся ў Беларусі ў папярэднія гады: у 2019-м — на 5,8%, 2020‑м — на 5,9%, 2021‑м — на 3,6%, 2022‑м — на 25,4%, 2023‑м — на 17,7%; у 2024-м зафіксаваны рост на 1,5%.

Пасажыраабарот транспарту (разлічваецца шляхам множання колькасці пасажыраў на адлегласць перавозак) за восем месяцаў бягучага года вырас на 7,6% (у студзені — ліпені — 7,3%, студзені — чэрвені — 7,2%, студзені — траўні — 7,8%, студзені — красавіку — 8,3%, студзені — сакавіку — 9,8%, студзені — лютым — 11,1%, студзені — на 7,1%; па выніках 2025-га — на 7,1%).